ആലത്തൂര്‍: സിവില്‍ സര്‍വ്വീസ് പരീക്ഷയില്‍ 144 ാം റാങ്ക് മുടപ്പല്ലൂര്‍ സ്വദേശിനിക്ക്. മുടപ്പല്ലൂര്‍ പഞ്ചായത്തിന്റെ പ്രഥമ പ്രസിഡന്റ് മുടപ്പല്ലൂര്‍ ചെറുകാട്ട് രാജഗോപാലന്‍ നായരുടെ പേരമകള്‍ കണ്ണൂര്‍ മെഡിക്കല്‍ കോളജ് പ്രൊഫസര്‍ കതിരൂര്‍ ഡോ. ടി രമേശന്റെയും കൂത്തുപറമ്പ് ഇ.എസ്.ഐ ഡിസ്‌പെന്‍സറിയിലെ മെഡിക്കല്‍ ഓഫിസര്‍ ഡോ. രോഹിണി രമേശന്റെയും മകള്‍ രീഷ്മ രമേശനാണ് സിവില്‍ സര്‍വ്വീസ് റാങ്ക് നേടി നാടിന്റെ അഭിമാനമായത്. ബി.ടെക് ബിരുദം നേടിയതിന് ശേഷമാണ് സിവില്‍ സര്‍വ്വീസിന് തയ്യാറെടുത്തത്. സഹോദരി ഡോ. രശ്മി രമേശന്‍ ദാവണ്‍ഗെരെയില്‍ എം.ഡിക്ക് പഠിക്കുന്നു.