ഈരാറ്റുപേട്ട: കുട്ടികളുടെ എണ്ണത്തില്‍ പതിറ്റാïുകളായി ജില്ലയില്‍ ഒന്നാം സ്ഥാനത്ത് നില്‍ക്കുന്ന ഗവ. മുസ്‌ലിം എല്‍.പി. സ്‌കൂളില്‍ ഈ വര്‍ഷവും ചരിത്രം ആവര്‍ത്തിച്ചു. ഒന്നാം ക്ലാസില്‍ എത്തിയത് 108 കുട്ടികള്‍. അതുകൊï് തന്നെ മറ്റു സ്‌കൂളുകാര്‍ കുട്ടികളെ വലവീശി പിടിക്കാന്‍ ഈ സ്‌കൂളിന് ചുറ്റം റാകി പറക്കുന്നത് ഇവിടെ പതിവ് കാഴ്ചയാണ്.
ഈരാറ്റുപേട്ടയിലെ മുസ്‌ലിം പെണ്‍കുട്ടികളുടെ വിദ്യാഭ്യാസപരമായ ഉന്നതിക്കായി പഴയതലമുറക്കാര്‍ മുന്‍കൈ എടുത്ത് സ്ഥലം സംഭാവനയായി നല്‍കി ഓല ഷെഡില്‍ ഒരു അധ്യാപകനും 120 കുട്ടികളുമായി 1940 ല്‍ ആരംഭിച്ച ഈ പ്രൈമറി സ്‌കൂള്‍ ഏറെ താമസിയാതെ സര്‍ക്കാര്‍ ഏറ്റെടുത്ത് അടച്ചുറപ്പുള്ള കെട്ടിടം പണിതതോടെ കുട്ടികള്‍ കൂടുതലായി പുളിഞ്ചുവട് കവലയിലെ ഈ സ്‌കൂളില്‍ എത്തിത്തുടങ്ങി. 1975 ഓടെ ഈ സ്‌കൂളിന് ചുറ്റും സ്വകാര്യ മേഖലയിലും ഇംഗ്ലീഷ് മീഡിയം സ്‌കൂളുകളും ആരംഭിച്ചെങ്കിലും ഇവിടുത്തെ കുട്ടികളുടെ എണ്ണത്തില്‍ കാര്യമായ മാറ്റം വന്നിരുന്നില്ല. എന്നു മാത്രമല്ല വര്‍ഷാവര്‍ഷം കുട്ടികളുടെ എണ്ണത്തില്‍ തുല്യത കാത്ത് മുന്നോട്ടു പോകുന്നു. 2010ല്‍ ജില്ലയില്‍ ഏറ്റവും കൂടുതല്‍ കുട്ടികളെത്തിയതിനുള്ള സംസ്ഥാന സര്‍ക്കാരിന്റെ പത്ത് ലക്ഷം രൂപ അവാര്‍ഡ് വാങ്ങി. ഈ തുക വിനിയോഗിച്ച് സ്‌കൂളിന്റെ ഭൗതിക സാഹചര്യം വികസിപ്പിക്കുകയും ചെയ്തു.
അതേവര്‍ഷം നടന്ന സ്‌കൂള്‍ സപ്തതി ആഘോഷപരിപാടിയില്‍ ആന്റോ ആന്റണി എം.പി നല്‍കിയ സ്‌കൂള്‍ ബസ് എത്തിയതോടെ ചിരകാല സ്വപ്നം പൂവണിഞ്ഞു. രï് വര്‍ഷം പിന്നിട്ടപ്പോള്‍ പി.ടി.എ സ്വന്തമായി ഒരു ബസ് വാങ്ങിയത് കൂടാതെ ഒന്നര വര്‍ഷം മുമ്പ് കേരളാ ഫിനാന്‍സ് കോര്‍പറേഷനും ഒരു ബസ് സ്‌കൂളിന് സംഭാവന ചെയ്തു. എല്‍.പി വിഭാഗത്തില്‍ 400 ഓളം കുട്ടികളും പി.ടി.എ. യുടെ നേതൃത്വത്തില്‍ നടത്തുന്ന പ്രീപ്രൈമറി സ്‌കൂളില്‍ നാല് ഡിവിഷനുകളിലായി 200 കുട്ടികളും ഇവിടെയുï്.