കൊല്ലം: തൊപ്പിയെച്ചൊല്ലിയുള്ള തര്‍ക്കത്തെത്തുടര്‍ന്ന് ബാറിന് മുന്നില്‍ മധ്യവയസ്‌കന്‍ അടിയേറ്റു മരിച്ചു. ബീച്ചിന് സമീപമുള്ള ബാറിന് മുന്നില്‍ ഇന്നലെ വൈകുന്നേരമാണ്് സംഭവം.
മുണ്ടയ്ക്കല്‍ ഉദയമാര്‍ത്താണ്ഡപുരം പുതുവയല്‍ പുരയിടം നേതാജി നഗര്‍ അമ്പാടിഹൗസില്‍ രാജു (52) ആണ് മരിച്ചത്. പള്ളിത്തോട്ടം സ്വദേശിയായ ബിപിനാണ് പ്രതിയെന്ന് പൊലിസ് പറഞ്ഞു.
ബാറിലെ നിത്യ സന്ദര്‍ശകനായിരുന്നു രാജു. ബിപിന്‍ സുഹൃത്തുക്കളുമായി ബാറിന് പുറത്ത് നില്‍ക്കുമ്പോള്‍ തലയില്‍ നിന്നു രാജു തൊപ്പി എടുത്തതാണ് അക്രമത്തില്‍ കലാശിച്ചത്. ബിപിന്റെ അടിയേറ്റ് നിലത്തു തലയടിച്ചു വീണ രാജു തല്‍ക്ഷണം മരിച്ചു.
കൃത്യത്തിന് ശേഷം സംഭവസ്ഥലത്തു നിന്നു മുങ്ങിയ പ്രതിക്കായി അന്വേഷണം ഊര്‍ജിതമാക്കി.