ഫറോക്ക്: സിവില്‍ സര്‍വിസില്‍ 28-ാം റാങ്കെന്ന ചരിത്ര നേട്ടം സ്വന്തമാക്കിയ ഫാറൂഖ് കോളജിലെ അസി. പ്രൊഫസര്‍ ഹംനാ മറിയത്തിന് കോളജ് മാനേജ്‌മെന്റും അധ്യാപകരും സ്വീകരണം നല്‍കി. മാനേജിങ് കമ്മിറ്റി പ്രസിഡന്റ് പി.കെ അഹമ്മദ് മൊമന്റോ സമ്മാനിച്ചു. പ്രിന്‍സിപ്പല്‍ പ്രൊഫ. ഇ.പി ഇമ്പിച്ചിക്കോയ, മാനേജര്‍ സി.പി കുഞ്ഞിമുഹമ്മദ് സംസാരിച്ചു.
2016 ഫെബ്രുവരിയിലാണ് കോളജ് ഇംഗ്ലീഷ് വിഭാഗത്തില്‍ അസി. പ്രൊഫസറായി ഹംന ജോലിയില്‍ പ്രവേശിച്ചത്. സിവില്‍ സര്‍വിസ് കോച്ചിങ്ങിന് മാത്രമായി കോളജില്‍ സ്ഥാപിച്ച പി.എം  ഇന്‍സ്റ്റിസ്റ്റ്യൂട്ട് ഓഫ് സിവില്‍ സര്‍വിസ് എക്‌സാമിനേഷന്‍സില്‍നിന്ന് ഇതിനകം നിരവധി പേര്‍ ക്വാളിഫൈ ചെയ്തിട്ടുണ്ട്. കോളജിലെ ഫിസിക്‌സ് വിഭാഗത്തിലെ മുന്‍ അധ്യാപകന്‍ പി.എം.എ ഹക്കീമും കൊമേഴ്‌സ് വിഭാഗത്തിലെ അധ്യാപകന്‍ ഡോ. കെ.കെ അഷ്‌റഫും ജോലിയിലിരിക്കെ സിവില്‍ സര്‍വിസ് കരസ്ഥമാക്കിയിരുന്നു.