ന്യൂഡല്‍ഹി: പതിനാറുകാരിയെ വീടിനുള്ളില്‍ വെച്ച് ബലാത്സംഗം ചെയ്തശേഷം കൊലപ്പെടുത്തി. കൊല നടത്തിയ ശേഷം മൃതദേഹം കത്തിക്കുകയും ചെയ്തു. കിഴക്കന്‍ ഡല്‍ഹിയില്‍ കഴിഞ്ഞയാഴ്ച്ചയാണ് സംഭവം നടന്നത്. ഇതുമായി ബന്ധപ്പെട്ട് രണ്ട് യുവാക്കളെ പൊലിസ് കസ്റ്റഡിയിലെടുത്തു.

കഴിഞ്ഞ വ്യാഴാഴ്ച്ചയാണ് പെണ്‍കുട്ടിയുടെ മൃതദേഹം കത്തിക്കരിഞ്ഞ നിലയില്‍ വീടിനുള്ളില്‍ കണ്ടെത്തിയത്. പെണ്‍കുട്ടി ആത്മഹത്യ ചെയ്തതാണെന്നായിരുന്നു പൊലിസിന്റെ പ്രാഥമിക നിഗമനം. പോസ്റ്റ്‌മോര്‍ട്ടത്തിന് ശേഷമാണ് സംഭവം കൊലപാതകമാണെന്നു കണ്ടെത്തിയത്.

കുറച്ച് കാലമായി രണ്ട് യുവാക്കള്‍ പിന്തുടര്‍ന്നിരുന്നതായും ഇവര്‍ മുന്‍പും പെണ്‍കുട്ടിയെ പീഡിപ്പിചിരുന്നതായും സുഹൃത്ത് നല്‍കിയ മൊഴിയുടെ അടിസ്ഥാനത്തിലാണ് പൊലിസ് യുവാക്കളെ കസ്റ്റഡിയിലെടുത്തത്.