മക്ക: ഹാജിമാര്‍ ഇന്ന് മുതല്‍ മിനായിലേക്ക് നീങ്ങുമ്പോള്‍ മലയാളി ഹാജിമാര്‍ക്ക് സേവനം ചെയ്യാനായി മിനായില്‍ വിഖായ സജ്ജമാകും.
ഇതുവരെ മക്കയില്‍ സജീവമായിരുന്ന വിഖായ സംഘം ഇന്ന് ഹാജിമാര്‍ മിനായിലേക്ക് നീങ്ങുന്നതോടെ ഹാജിമാര്‍ക്ക് സഹായം ചെയ്യാനായി വിഖായ അംഗങ്ങളും മിനയിലേക്ക് നീങ്ങും.
തുടര്‍ന്ന് ഹജ്ജ് കഴിയുന്നതുവരെ മിനായില്‍ വിഖായ സേവന നിരതരായിരിക്കും.
തുടര്‍ന്ന് ഹജ്ജ് കര്‍മങ്ങള്‍ നടക്കുന്ന മുസ്ദലിഫ, ജംറകളിലെ കല്ലേറ് കര്‍മം തുടങ്ങിയ സ്ഥലങ്ങളിലൊക്കെ വിഖായ പ്രവര്‍ത്തകരുടെ സേവനം ലഭ്യമാകും. വിഖായയെ കൂടാതെ, കെ.എം.സി.സി, തനിമ, ഹജ്ജ് വെല്‍ഫെയര്‍ ഫോറം, തുടങ്ങി വിവിധ മലയാളി സംഘടനകളും മിനായില്‍ കര്‍മ നിരതരാകും.