കൊല്ലങ്കോട്: കൊല്ലങ്കോട്പുതുനഗരം പാതയില്‍ വടവന്നൂര്‍ ജങ്ഷനും പൂന്തോണി ഗായത്രി മോഡേണ്‍ റൈസ് മില്ലിനെ ഇടയിലുള്ള പ്രദേശം അപകട മേഖലയായി മാറുന്നു. ഇന്നലെ വൈകുന്നേരം അഞ്ചോടെ കൊല്ലങ്കോട് ഭാഗത്തു നിന്നും പുതുനഗരത്തേക്ക് പോകുന്ന മിനി വാന്‍ നിയന്ത്രണംതെറ്റി പാടത്തേക്ക് മറിഞ്ഞു. വാഹനത്തിലുണ്ടായിരുന്ന ഡ്രൈവര്‍ രതീഷ് (40), മണി (38) കൂടുതല്‍ പരിക്കുകളില്ലാതെ രക്ഷപ്പെട്ടു.
ബേക്കറി സാധനങ്ങള്‍ കടകളില്‍ സപ്ലെ ചെയ്ത ശേഷം മടങ്ങുമ്പോഴാണ് അപകടം . രണ്ട് മാസം മുന്‍പ് ഇതേ സ്ഥലത്താണ് എം സാന്റ് കയറ്റിക്കൊണ്ടു പോകുന്ന ടോറസ്സ് ലോറി മറിഞ്ഞത്. എതിരേ വരുന്ന വാഹനങ്ങളെ കാണാന്‍ കഴിയാത്തതും അമിതവേഗതയും വാഹനങ്ങളെ മറികടക്കലുമാണ് അപകടത്തിനെ ഇടയാകുന്നത്. അപകട സിഗ്‌നല്‍ ബോര്‍ഡ് സ്ഥാപിക്കണമെന്ന് യാത്രക്കാര്‍ ആവശ്യപ്പെടുന്നു.