കല്‍പ്പറ്റ: ലോക പരിസ്ഥിതി ദിനാചരണത്തോടനുബന്ധിച്ച് യൂത്ത് ലീഗ് ജില്ലാ കമ്മിറ്റി പരിസ്ഥിതി വാരാചരണം സംഘടിപ്പിക്കും. ഇതോടനുബന്ധിച്ച് ജില്ലയിലുടനീളം 10000 തൈകള്‍ നടും. ജൂണ്‍ അഞ്ച് മുതല്‍ 12 വരെയാണ് തൈ നടുന്നത്. ഒരു മരം ഒരു വരം എന്ന പേരിലുള്ള കാംപയിനോടനുബന്ധിച്ചുള്ള ചെടികളുടെ വിതരണം സംസ്ഥാന യൂത്ത് ലീഗ് വൈസ് പ്രസിഡന്റ് പി. ഇസ്മയില്‍ ഉദ്ഘാടനം ചെയ്തു. ജില്ലാ പ്രസിഡന്റ് കെ. ഹാരിസ്, ജന.സെക്രട്ടറി സി.കെ ഹാരിഫ്, ഭാരവാഹികളായ സലീം കേളോത്ത്, വി.എം അബൂബക്കര്‍, ഷമീം പാറക്കി, എ.പി മുസ്തഫ, ജാസര്‍ പാലക്കല്‍, പി.കെ സലാം, ഹാരിസ് കാട്ടിക്കുളം സംബന്ധിച്ചു.