തിരുവനന്തപുരം: കാലാവര്‍ഷം ശക്തിപ്രാപിച്ചതോടെ തീരദേശത്തും കനത്ത ജാഗ്രതപാലിക്കാന്‍ നിര്‍ദേശം.
സംസ്ഥാനത്തെ തീരദേശത്ത് വലിയ തിരമാലകള്‍ ഉയരുമെന്നതിനാലാണ് ജാഗ്രതാ നിര്‍ദേശം നല്‍കിയിരിക്കുന്നത്.

തിരുവനന്തപുരം പൊഴിയൂര്‍ മുതല്‍ കാസര്‍കോട് വരെ തീരപ്രദേശങ്ങളിലാണ് തിരമാല ഉയരാന്‍ സാധ്യതയുള്ളത്. 3.5 മീറ്റര്‍ മുതല്‍ 3.8 മീറ്റര്‍ വരെ തിര ഉയരാനാണ് സാധ്യത. 40 മുതല്‍ 50 കിലോമീറ്റര്‍ വരെ വേഗതയില്‍ കാറ്റ് വീശാനും സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം നല്‍കുന്ന അറിയിപ്പ്.