ബംഗളൂരു: വിദ്യാര്‍ഥികള്‍ക്ക് മുന്‍പില്‍ സ്‌കൂള്‍ പ്രിന്‍സിപ്പലിനെ ആറംഗ സംഘം കുത്തിക്കൊന്നു. അഗ്രഹാര ദേശര്‍ഹള്ളിക്കടുത്ത് ഹവാനൂര്‍ പബ്ലിക് സ്‌കൂള്‍ പ്രിന്‍സിപ്പലിനെയാണ് 10-ാം ക്ലാസ് വിദ്യാര്‍ഥികള്‍ക്ക് മുന്‍പില്‍ കുത്തിക്കൊലപ്പെടുത്തിയത്.
കുട്ടികള്‍ക്ക് സ്‌പെഷല്‍ ക്ലാസ് എടുത്തുകൊണ്ടിരിക്കുമ്പോഴായിരുന്നു ആക്രമണം. തുടര്‍ന്ന് അക്രമികള്‍ കാറില്‍ രക്ഷപ്പെട്ടു. പൊലിസ് നടത്തിയ അന്വേഷണത്തില്‍ അക്രമി സംഘത്തിലെ ഒരാളെ പിടികൂടിയിട്ടുണ്ട്.
സ്‌കൂള്‍ കെട്ടിടം നില്‍ക്കുന്ന സ്ഥലവുമായി ബന്ധപ്പെട്ട തര്‍ക്കമാണ് അക്രമത്തിന് കാരണമെന്ന് സംശയിക്കുന്നതായി പൊലിസ് അറിയിച്ചു.