കൂത്തുപറമ്പ്: കൂത്തുപറമ്പിനടുത്തെ ശങ്കരനെല്ലൂരില്‍ സി.പി.എം നേതാവിന്റെ വീടിനു നേരെ ബോംബേറ്. ശങ്കരനെല്ലൂര്‍ ബ്രാഞ്ച് സെക്രട്ടറി രചനാവായനശാലയ്ക്കു സമീപം താമസിക്കുന്ന ചന്ദ്രന്റെ വീടിനു നേരെയാണ് ബോംബെറിഞ്ഞത്. ഇന്നലെ രാത്രി പത്തേകാലിനാണ് സംഭവം. വീട്ടുമുറ്റത്ത് ഉഗ്രശബ്ദത്തോടെ പൊട്ടിയ ബോംബിന്റെ ചീളുകള്‍ തെറിച്ചു മുന്‍വശത്തെ രണ്ടു ജനല്‍പാളികള്‍ തകര്‍ന്നു. ബൈക്കിലെത്തിയ സംഘമാണ് അക്രമം നടത്തിതെന്നുപറയുന്നു. രണ്ടുതവണ ബോംബെറിഞ്ഞതിനു ശേഷം ഇവര്‍ ബൈക്കില്‍ രക്ഷപ്പെടുകയായിരുന്നു. കൂത്തുപറമ്പ് പൊലിസ് സ്ഥലത്തെത്തി.