മലപ്പുറം: പ്രളയവും മണ്ണിടിച്ചിലും മൂലം ജില്ലയില്‍ ഇതുവരെ റിപ്പോര്‍ട്ട് ചെയ്യപ്പെട്ടത് 29 മരണം. കവളപ്പാറയില്‍ 39 പേരെയാണ് ഇനി കണ്ടെത്താനുള്ളത്. കോട്ടക്കുന്നിലുണ്ടായ ഉരുള്‍പൊട്ടലില്‍ മരിച്ച ചാത്തന്‍കുളം സരോജിനിയുടെ (50) മൃതദേഹം തിങ്കളാഴ്ച രാവിലെ 11.30 ഓടെ രക്ഷാ പ്രവര്‍ത്തകര്‍ കണ്ടെടുത്തു.
മറ്റു രണ്ടുപേരുടെ മൃതദേഹങ്ങള്‍ ഞായറാഴ്ച കണ്ടെടുത്തിരുന്നു.
എടവണ്ണയില്‍ നാലുപേരും വഴിക്കടവില്‍ രണ്ടും മുതുവല്ലൂരിലും പുറത്തൂരിലും അരീക്കോടും ഒരാള്‍ വീതവുമാണ് വിവിധ അപകടങ്ങളില്‍ മരണപ്പെട്ടത്. കനത്ത മഴയ്ക്ക് സാധ്യതയുള്ളതിനാല്‍ ജില്ലയില്‍ ഇന്നും റെഡ് അലര്‍ട്ട് പ്രഖ്യാപിച്ചിട്ടുണ്ട്.