ബാങ്കോക്: തായ്‌ലന്‍ഡ് ഗ്രാന്‍പ്രീ ഗോള്‍ഡ് ബാഡ്മിന്റണ്‍ കിരീടം ഇന്ത്യയുടെ ബി സായ് പ്രണീതിന്. ഫൈനലില്‍ ഇന്തോനേഷ്യയുടെ ജൊനാതന്‍ ക്രിസ്റ്റിയെ കീഴടക്കിയാണ് സായ് കിരീടം സ്വന്തമാക്കിയത്. ഒരു മണിക്കൂറും 11 മിനുട്ടും നീണ്ട കടുത്ത പോരാട്ടം അതിജീവിച്ചാണ് സായ് ചാംപ്യന്‍പട്ടം സ്വന്തമാക്കിയത്. ആദ്യ സെറ്റ് കൈവിട്ട ഇന്ത്യന്‍ താരം രണ്ടും മൂന്നും സെറ്റുകള്‍ ഉജ്ജ്വലമായി പൊരുതി നേടി. സ്‌കോര്‍: 17-21, 2-118, 21-19.
കരിയറിലെ ആദ്യ ഗ്രാന്‍പ്രീ കിരീടമാണ് സായ് സ്വന്തമാക്കിയത്. നേരത്തെ ഏപ്രിലില്‍ ഇന്ത്യന്‍ താരം തന്നെയായ കെ ശ്രീകാന്തിനെ പരാജയപ്പെടുത്തി സിംഗപൂര്‍ ഓപണ്‍ നേടി സായ് കരിയറിലെ ആദ്യ സൂപ്പര്‍ സീരിസ് കിരീടത്തില്‍ മുത്തമിട്ടിരുന്നു.