മക്ക: വിശുദ്ധ ഹജ്ജ് കര്‍മ്മത്തിനെത്തിയ സിറിയന്‍ തീര്‍ത്ഥാടക നാല് കുഞ്ഞുങ്ങള്‍ക്ക് ജന്മം നല്‍കി. മക്കയില്‍ ആശുപതിരയിയിലാണ് 23 കാരി സിസേറിയനിലൂടെ നാല് കുഞ്ഞുങ്ങള്‍ക്ക് ജന്മം നല്‍കിയത്. യുവതിയുടെ അഞ്ചു വര്‍ഷത്തിന് ശേഷമുള്ള രണ്ടാമത്തെ പ്രസവത്തില്‍ രണ്ടു ആണ്മക്കള്‍ക്കും രണ്ടു പെണ്മക്കള്‍ക്കുമാണ് യുവതി ജന്മം നല്‍കിയത്.

1300 നും 1800 നും ഇടയില്‍ തൂക്കമുളള കുട്ടികള്‍ നവജാത ശിശുക്കള്‍ക്കായുള്ള തീവ്ര പരിചരണ വിഭാഗത്തിലാണിപ്പോള്‍. രണ്ടു കുട്ടികളുടെ ആരോഗ്യ നില തൃപ്തികരമാണെന്നും രണ്ടു കുട്ടികള്‍ നേരിയ ശ്വാസ തടസം നേരിടുന്നുണ്ടെന്നും ആശുപത്രി വൃത്തങ്ങള്‍ അറിയിച്ചു. എന്നാല്‍, ഇവരുടെ ആരോഗ്യ നില മെച്ചപ്പെട്ടു വരുന്നതായും അധികൃതര്‍ അറിയിച്ചു.