ദിസ്പൂര്‍ : ആസാമിലെ ബോകോ ഗ്രാമത്തില്‍ ജീവിക്കുന്ന മുഹമ്മദ് അന്‍വര്‍ അലിക്ക് 102 വയസുണ്ട്. അതായത് ഇന്ത്യ സ്വതന്ത്രമാവുന്നതിനും 29 വര്‍ഷം മുമ്പ് മുതല്‍ ആ വൃദ്ധന്‍ ആസാമിലെ ബോകോ ഗ്രാമത്തില്‍ ജീവിക്കുന്നു നടക്കാന്‍ പോലും സാധിക്കാത്ത അദ്ദേഹത്തോടും 24 മണിക്കൂറിനകം 500 കിലോമീറ്റര്‍ മാറിയുള്ള അപ്പര്‍ ആസാമില്‍ എത്തിച്ചേര്‍ന്ന് പൗരത്വം തെളിയിക്കാന്‍ ആവിശ്യപ്പെട്ടിരിക്കുകയാണ് അധികൃതര്‍. ഇദ്ദേഹത്തിന്റെ കുടുംബത്തിലെ 16 അംഗങ്ങളോടും പൗരത്വം തെളിയിക്കാന്‍ ആവിശ്യമുള്ള രേഖകള്‍ സമര്‍പിക്കാന്‍ നോട്ടിസ് ലഭിച്ചിട്ടുണ്ട്.

ബോകോ ഗ്രാമത്തില്‍ ജീവിക്കുന്ന 3000 പ്രദേശവാസികളോടും രേഖകളുമായി 24 മണിക്കൂറിനകം 500 കിലോമീറ്റര്‍ മാറിയുള്ള അപ്പര്‍ ആസാമില്‍ എത്തിച്ചേരാന്‍ നിര്‍ദേശിച്ചത് കാരണം ഉള്ളതെല്ലാം വിറ്റുപെറുക്കി യാത്രക്കൊരുങ്ങുകയാണ് പരിഭ്രാന്തരായ പ്രദേശവാസികളെന്ന് ആസാം ചാനലായ ഇന്‍സിഡീന്‍ റിപ്പോര്‍ട്ട് ചെയ്തു. നിലവില്‍ 40 ലക്ഷത്തോളം ആസാമികള്‍ ദേശീയ പൗരത്വ രേഖക്ക് പുറത്താണ്.