മാനന്തവാടി: ബിഷപ്പ് ഫ്രാങ്കോക്കെതിരായ സമരത്തില്‍ പങ്കെടുത്തുവെന്നതിന്റെ പേരില്‍ സഭാ നടപടിക്ക് വിധേയയായ സിസ്റ്റര്‍ ലൂസി കളപ്പുരക്കലിനെ മടത്തില്‍ പൂട്ടിയിട്ടതായി ആരോപണം.
തിങ്കളാഴ്ച രാവിലെ ആറര മുതലാണ് പൂട്ടിയിട്ടത്.
പള്ളിയില്‍ കുര്‍ബാനയ്ക്ക് പോകുന്നത് തടയാനാണ് ഇങ്ങനെ ചെയ്തത്. അത്യധികം മനുഷ്യത്വരഹിതമായ സംഭവമാണിത്. കഴിഞ്ഞ ഏഴാം തിയ്യതി മുതല്‍ തന്നെ ജയിലിലേക്ക് കൊണ്ടുപോകുന്നത് പോലെയാണ് പള്ളിയിലേക്ക് കൊണ്ടുപോകുന്നത്. പള്ളിയില്‍ കുര്‍ബ്ബാനക്ക് പോകുന്നത് പോലും തടയാനുള്ള ശ്രമങ്ങളാണ് അടുത്ത കാലത്തായി നടക്കുന്നതെന്നും സിസ്റ്റര്‍ ലൂസി പറയുന്നു.
വെള്ളമുണ്ട പൊലിസില്‍ വിവരമറിയിച്ചതിനെ തുടര്‍ന്ന് പൊലിസെത്തിയാണ് മുറി തുറന്നത്. അന്യായമായി തടങ്കലില്‍ വെച്ചുവെന്ന് വ്യക്തമാക്കി സിസ്റ്റര്‍ നല്‍കിയ പരാതിയുടെ അടിസ്ഥാനത്തില്‍ മടം അധികൃതര്‍ക്കെതിരേ പൊലിസ് കേസേടുത്തു. ഈ മാസം എഴിനാണ് സന്യാസി സമൂഹത്തില്‍ നിന്നും ലൂസിയെ പുറത്താക്കിയ കത്ത് സിസ്റ്റര്‍ക്ക് ലഭിച്ചത്.