പേരാമ്പ്ര: ബ്രൂവറി അഴിമതിയിലൂടെ എക്‌സൈസ് മന്ത്രി ടി.പി രാമകൃഷ്ണന്‍ പേരാമ്പ്രയ്ക്ക് അപമാനമായിരിക്കുകയാണെന്നും മന്ത്രിസ്ഥാനം രാജിവച്ച് അദ്ദേഹം മാപ്പുപറയണമെന്നും പേരാമ്പ്ര ബ്ലോക്ക് കോണ്‍ഗ്രസ് കമ്മിറ്റി ആവശ്യപ്പെട്ടു. മന്ത്രി രാജിവയ്ക്കുന്നതു വരെ കോണ്‍ഗ്രസ് പ്രക്ഷോഭം തുടരും. ബ്രൂവറികള്‍ക്കും ഡിസ്റ്റിലറികള്‍ക്കുമുള്ള അനുമതി റദ്ദാക്കിയതിലൂടെ അഴിമതി നടന്നിട്ടുണ്ടെന്നു വ്യക്തമായിരിക്കുകയാണ്. ഇക്കാര്യങ്ങള്‍ വിശദീകരിക്കാന്‍ പഞ്ചായത്തുതലങ്ങളില്‍ പൊതുയോഗം നടത്താനും യോഗത്തില്‍ തീരുമാനമായി.
ബ്ലോക്ക് കോണ്‍ഗ്രസ് പ്രസിഡന്റ് രാജന്‍ മരുതേരി അധ്യക്ഷനായി. കെ.പി.സി.സി നിര്‍വാഹകസമിതി അംഗം കെ. ബാലനാരായണന്‍ ഉദ്ഘാടനം ചെയ്തു. മുനീര്‍ എരവത്ത്, ഇ.വി രാമചന്ദ്രന്‍, പി. വാസു, കെ.കെ വിനോദന്‍, കിഴിഞ്ഞാണ്യം കുഞ്ഞിരാമന്‍, കെ.വി രാഘവന്‍, പുതുക്കോട്ട് രവീന്ദ്രന്‍, ഉമ്മര്‍ തണ്ടോറ, സി.കെ ബാലന്‍, ജോര്‍ജ് മുക്കള്ളില്‍, ഇ.ടി സത്യന്‍, ഇ.പി മുഹമ്മദ്, രാജന്‍ കെ.പുതിയേടത്ത്, പി.സി കുഞ്ഞമ്മദ്, ബാബു തത്തക്കാടന്‍, പ്രകാശന്‍ കന്നാട്ടി, അശോകന്‍ മുതുകാട്, മോഹന്‍ദാസ് ഓണിയില്‍, കെ.സി രവീന്ദ്രന്‍ പ്രസംഗിച്ചു.