കോഴിക്കോട്: എസ്.വൈ.എസ് ജില്ലാ ഡെലിഗേറ്റ് മീറ്റ് (പാഥേയം 2018) നാളെ രാവിലെ ഒന്‍പതിന് കൂളിമാട് ദിയ ഓഡിറ്റോറിയത്തില്‍ നടക്കും. അദാലത്ത് പൂര്‍ത്തിയാക്കിയ ജില്ലയിലെ 460 ശാഖകള്‍ മുഖേന തിരഞ്ഞെടുക്കപ്പെട്ട 3,000 പ്രതിനിധികളാണ് റജിസ്റ്റര്‍ ചെയ്തത്.
വി. മോയിമോന്‍ ഹാജി പതാക ഉയര്‍ത്തും. സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും. സ്വാഗതസംഘം ചെയര്‍മാന്‍ കെ.എ ഖാദര്‍ മാസ്റ്റര്‍ അധ്യക്ഷനാകും. റഹ്മത്തുല്ല ഖാസിമി മൂത്തേടം, സലാഹുദ്ദീന്‍ ഫൈസി വല്ലപ്പുഴ, ആര്‍.വി കുട്ടിഹസ്സന്‍ ദാരിമി, കെ.കെ ഇബ്രാഹിം മുസ്‌ലിയാര്‍, കെ. മോയില്‍ കുട്ടി മാസ്റ്റര്‍ പ്രസംഗിക്കും.
10.30ന് പി.എ മുഹമ്മദ് ബാഖവി മുണ്ടംപറമ്പ്, അബൂബക്കര്‍ ഫൈസി മലയമ്മ വിഷയങ്ങള്‍ അവതരിപ്പിക്കും. ഉച്ചയ്ക്ക് രണ്ടിന് രണ്ടാം സെഷന്‍ ജില്ലാ പ്രസിഡന്റ് സി.എച്ച് മഹ്മൂദ് സഅദിയുടെ അധ്യക്ഷതയില്‍ സംസ്ഥാന ജനറല്‍ സെക്രട്ടറി സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്യും. മുബശിര്‍ തങ്ങള്‍, എ.പി.പി തങ്ങള്‍ പ്രസംഗിക്കും. എന്‍.വി.കെ മുഹമ്മദ് ഫൈസി, നാസര്‍ ഫൈസി കൂടത്തായി, അബ്ദുസ്സമദ് പൂക്കോട്ടൂര്‍ വിഷയങ്ങള്‍ അവതരിപ്പിക്കും. വൈകിട്ട് നാലിന് ഉമ്മര്‍ ഫൈസി മുക്കം സമാപനസന്ദേശം നല്‍കും. മുസ്തഫ മുണ്ടുപാറയാണ് ക്യാംപ് അമീര്‍.