ന്യൂഡല്‍ഹി: ഭരണഘടനാ ബെഞ്ചിലെ ജഡ്ജിമാരിലൊരാള്‍ അവധിയായതിനെത്തുടര്‍ന്ന് ബാബരി മസ്ജിദ് ഭൂമി തര്‍ക്ക കേസില്‍ ഇന്നലെ വാദം നടന്നില്ല. അഞ്ചംഗ ബെഞ്ചിലെ ജഡ്ജിമാരിലൊരാളായ എസ്.എ ബോബ്‌ഡെയാണ് അവധിയെടുത്തത്. കഴിഞ്ഞ ഏഴു ദിവസമായി തുടരുന്ന വാദത്തില്‍ നിര്‍മോഹി അഖാഡ, രാംലല്ല എന്നീ കക്ഷികളുടെ അഭിഭാഷകരാണ് ഇതുവരെ വാദിച്ചത്. മുസ്‌ലിം പക്ഷത്ത് സുന്നി വഖഫ് ബോഡിന്റെ അഭിഭാഷകന്‍ രാജീവ് ധവാന്റെ വാദം ആരംഭിച്ചിട്ടില്ല.