മീനങ്ങാടി: പുകയില വിരുദ്ധ ദിനാചരണത്തിന്റെ ഭാഗമായി ഇന്ത്യന്‍ ഡെന്റല്‍ അസോസിയേഷന്‍, കേരള എക്‌സൈസിന്റെയും, ജില്ലാ അത്‌ലറ്റിക് അസോസിയേഷന്റെയും സഹകരണത്തോടെ സംഘടിപ്പിച്ച പുകയില വിരുദ്ധ ദിന സന്ദേശ മാരത്തണ്‍ സംഘടിപ്പിച്ചു.
മീനങ്ങാടി പി.ബി.എം ആശുപത്രി പരിസരത്ത് ജില്ലാ പൊലിസ് മേധാവി രാജ്പാല്‍ മീണ ഐ.പി.എസ് ഫ്‌ളാഗ് ഓഫ് ചെയ്തു. എക്‌സൈസ് അസി. കമ്മീഷണര്‍ സജി സംബന്ധിച്ചു.
പുരുഷമാരത്തണ്‍ ഹൈസ്‌കൂള്‍ ജങ്ഷനില്‍ നിന്നും വനിത മാരത്തണ്‍ കൊളഗപ്പാറയില്‍ നിന്നും ആരംഭിച്ചു. 72 പുരുഷ കായികതാരങ്ങളും 30 വനിതാതാരങ്ങളും പങ്കെടുത്തു. മാരത്തണ്‍ മത്സരം സുല്‍ത്താന്‍ ബത്തേരി സന്തോഷ് ജങ്ഷനില്‍ അവസാനിച്ചു. പരിപാടിയുടെ ഭാഗമായി സുല്‍ത്താന്‍ ബത്തേരി മുനിസിപ്പല്‍ ടൗണ്‍ ഹാളില്‍ പോസ്റ്റര്‍ രചനാ പെയിന്റിങ് മത്സരം നടന്നു.
ടൗണ്‍ ഹാളില്‍ നടന്ന പൊതുസമ്മേളനത്തില്‍ ഡെന്റല്‍ അസോസിയേഷന്‍ പ്രസിഡന്റ് ഡോ. ജോര്‍ജ്ജ് അബ്രഹാം അധ്യക്ഷനായി. ഐ.സി ബാലകൃഷ്ണന്‍ എം.എല്‍.എ സമ്മേളനം ഉദ്ഘാടനം ചെയ്തു. ജോഷി തുമ്പാനം ബോധവല്‍ക്കരണ ക്ലാസിനു നേതൃത്വം നല്‍കി.സെന്റ്‌മേരീസ് കോളേജ് പ്രിന്‍സിപ്പല്‍ ഡോ. ഷേബാ എം. ജോസഫ്, എക്‌സൈസ് ഇന്‍സ്‌പെക്ടര്‍ എം. സുരേന്ദ്രന്‍, ഡോ. സനോജ് പി.ബി, ഡോ. നൗഷാദ് പള്ളിയാല്‍, ഡോ. തോമസ് മാത്യു മോഡിശ്ശേരി, ഡോ. രാജേഷ് ടി. ജോസ്, ഡോ. സജിത്ത് പി.സി. പ്രസംഗിച്ചു.പുരുഷ മാരത്തണില്‍ സജീവ് കാക്കവയല്‍, ദീപേഷ് പുല്‍പ്പള്ളി, ജോഷ്വല്‍ ജോയി മീനങ്ങാടി എന്നിവര്‍ യഥാക്രമം ഒന്നും, രണ്ടും, മൂന്നും സ്ഥാനവും, വനിതാ മാരത്തണില്‍ അഞ്ചു രോസ്, ദിഷ്‌നിയ, റോഷ്‌നിത എന്നിവര്‍ യഥാക്രമം ഒന്നും, രണ്ടും, മൂന്നും സ്ഥാനവും കരസ്ഥമാക്കി.