തിരുവനന്തപുരം: ഇന്ത്യയും വെസ്റ്റിന്‍ഡീസും തമ്മില്‍ ഗ്രീന്‍ഫീല്‍ഡ് സ്‌റ്റേഡിയത്തില്‍ നടക്കുന്ന ഏകദിന മത്സരത്തിനുള്ള ടിക്കറ്റ് വില്‍പ്പന ആരംഭിച്ചു. ആദ്യഘട്ടത്തിലെ ഓണ്‍ലൈന്‍ ടിക്കറ്റ് വില്‍പ്പനയാണ് ഇന്നലെ മുതല്‍ ആരംഭിച്ചിരിക്കുന്നത്.
നവംബര്‍ ഒന്നിന് നടക്കുന്ന മത്സരത്തിന്റെ ഓണ്‍ലൈന്‍ ടിക്കറ്റ് വില്‍പ്പനയുടെ ഉദ്ഘാടനം മന്ത്രി ഇ.പി ജയരാജന്‍ തിരുവനന്തപുരം ഗ്രീന്‍ഫീല്‍ഡ് സ്റ്റേഡിയത്തില്‍ നിര്‍വഹിച്ചു. മേയര്‍ വി.കെ പ്രശാന്ത്, ഓര്‍ഗനൈസിങ്ങ് കമ്മിറ്റി ചെയര്‍മാനും ബി.സി.സി.ഐ അംഗവുമായ ജയേഷ്‌ജോര്‍ജ്, കെ.സി.എ പ്രസിഡന്റ് സാജന്‍ കെ. വര്‍ഗീസ്, സെക്രട്ടറി അഡ്വ. ശ്രീജിത്ത് വി. നായര്‍, കെ.സി.എ ട്രഷറര്‍ കെ.എം അബ്ദുറഹ്മാന്‍, തിരുവനന്തപുരം ജില്ലാ ക്രിക്കറ്റ് അസോസിയേഷന്‍ സെക്രട്ടറി വിനോദ് എസ്. കുമാര്‍ പങ്കെടുത്തു.