അമ്പലപ്പുഴ: നിയന്ത്രണം വിട്ട തടി കയറ്റിയ ലോറി മരത്തിലിടിച്ച ശേഷം രോഗിയുമായി പോയ ആംബുലന്‍സില്‍ ഇടിച്ചു. ആര്‍ക്കും പരിക്കില്ല.
പുന്നപ്ര ദേശീയപാതയില്‍ തെക്ക് ഗ്രാമപഞ്ചായത്ത് ഓഫിസിന് സമീപം ഇന്നലെ ഉച്ചക്ക് രണ്ടു മണിയോടെയായിരുന്നു അപകടം. കൊല്ലത്തുനിന്ന് പെരുമ്പാവൂരിലേക്ക് തടി കയറ്റി വരികയായിരുന്നു ലോറി. ലോറിയില്‍ ഉണ്ടായിരുന്ന തടികഷ്ണങ്ങള്‍ ദേശീയപാതയുടെ പല ഭാഗങ്ങളിലായി ചിതറി വീണു.
തുടര്‍ന്ന് ഗതാഗതകുരുക്ക് അനുഭപ്പെട്ടങ്കിലും പുന്നപ്ര എസ്.ഐ ശ്രീജിത്തിന്റെ നേതൃത്വത്തിലുള്ള പോലീസ് സംഘം തടികള്‍ മറ്റൊരു ലോറിയില്‍ കയറ്റാന്‍ സൗകര്യമൊരുക്കി ഗതാഗത കുരുക്ക് ഒഴുവാക്കി.