കല്‍പ്പറ്റ: പൗരസമിതിയുടെ ആഭിമുഖ്യത്തില്‍ മുഹമ്മദ് റാഫി അനുസ്മരണത്തോടനുബന്ധിച്ച് റാഫി നൈറ്റ് നടത്തി. ചടങ്ങില്‍ സി.കെ ശശീന്ദ്രന്‍ എം.എല്‍.എക്ക് സ്വീകരണവും നല്‍കി. ചലചിത്രതാരം അബുസലീം ഉദ്ഘാടനം ചെയ്തു.
അഡ്വ. സാദിഖ് മുഹമ്മദ് റാഫി അനുസ്മരണം നടത്തി. മൂസ ഗൂഡലായി അധ്യക്ഷനായി. ഫൈസല്‍ വടകര, സീനത്ത് എന്നിവരുടെ നേതൃത്വത്തില്‍ സംഗീതനിശയും സംഘടിപ്പിച്ചു. എം.എല്‍.എക്കുള്ള ഉപഹാരം പൗരസമിതി സെക്രട്ടറി സി.പി ഉമ്മര്‍ സമ്മാനിച്ചു.
സി.പി റഹീസ്, ഏച്ചോം ഗോപി, വന്ദന ഷാജു സംസാരിച്ചു. ഫോട്ടോഗ്രാഫര്‍ കെ.പി ഹരിദാസ്, റസാക്ക് കല്‍പ്പറ്റ പൊലിസ് സ്റ്റേഷന്‍, സുബൈര്‍ ഓണിവയല്‍ എന്നിവരെ അവാര്‍ഡ് നല്‍കി ആദരിച്ചു.