തലശ്ശേരി: നങ്ങാറത്ത്പീടിക, പാറാല്‍ പ്രദേശങ്ങളില്‍ നടന്ന സി.പി.എം-ബി.ജെ.പി സംഘര്‍ഷത്തെ തുടര്‍ന്ന് കണ്ണൂരില്‍ നിന്നെത്തിയ ബോംബ് സ്‌ക്വാഡിന്റെയും ഡോഗ് സ്‌ക്വാഡിന്റെയും നേതൃത്വത്തില്‍ നടത്തിയ റെയ്ഡില്‍ നാല് ബോംബുകള്‍ കണ്ടെടുത്തു. കൊമ്മല്‍വയല്‍ ഓടക്കുന്ന് റോഡിന് സമീപത്തെ പുല്ല് വളര്‍ന്ന പ്രദേശത്ത് നിന്ന് പ്ലാസ്റ്റിക്ക് സഞ്ചിയില്‍ സൂക്ഷിച്ച മൂന്ന് നാടന്‍ ബോംബുകളും പാറാലില്‍ അക്രമം നടന്ന രാധാകൃഷ്ണന്റെ വീടിന് സമീപത്തെ റോഡിന്റെ വശത്ത് നിന്ന് ഒരു നാടന്‍ ബോംബും കണ്ടെത്തി. പാറാല്‍, നങ്ങാറത്ത്പീടിക പ്രദേശത്ത് ഒരേ സമയം രണ്ട് ബാച്ചുകളായി തിരിച്ചാണ് പരിശോധന നടത്തിയത.് പാറാലിലെ പരിശോധനക്ക് ബോംബ് സ്‌ക്വാഡ് എസ്.ഐ രാമചന്ദ്രനും നങ്ങാറത്ത്പീടികയിലെ റെയ്ഡിന് ബോംബ് സ്‌ക്വാഡ് എ.എസ്.ഐ ശശിധരനും നേതൃത്വം നല്‍കി.