തിരുവനന്തപുരം: പ്രമുഖ വയലിനിസ്റ്റ് ബാലഭാസ്‌കറിന്റെ അപകട മരണത്തില്‍ നിര്‍ണായകമായ വഴിത്തിരിവ്. കാറോടിച്ചത് ആരാണെന്ന കാര്യത്തില്‍ ഇതുവരേ വ്യക്തത വന്നിരുന്നില്ല. ബാല ഭാസ്‌കറാണെന്നും അതല്ല ഡ്രൈവര്‍ അര്‍ജുനാണെന്നുമുള്ള സംശയവും ദുരീകരിക്കപ്പെട്ടിരുന്നുമില്ല.
എന്നാല്‍ ഫോറന്‍സിക് വിഭാഗത്തിന്റെ റിപ്പോര്‍ട്ടാണ് ഇപ്പോള്‍ പുറത്തുവന്നിരിക്കുന്നത്. കാറോടിച്ചിരുന്നത് ഡ്രൈവര്‍ അര്‍ജുന്‍ തന്നെയാണെന്നാണ് ഫോറന്‍സിക് വിഭാഗത്തിന്റെ റിപ്പോര്‍ട്ടിലുള്ളത്. ഡ്രൈവിംഗ് സീറ്റിലിരുന്നതുകൊണ്ടാണ് അതുകൊണ്ടാണ് ഇയാള്‍ക്ക് തലക്ക് പരുക്കേറ്റത്. ബാലഭാസ്‌കറിന്റെ ഭാര്യ ലക്ഷ്മിയും മകളും മുന്‍ സീറ്റിലായിരുന്നു ഇരുന്നിരുന്നതെന്നും റിപ്പോര്‍ട്ടില്‍ പറയുന്നു. അതേ സമയം പിറകിലെ സീറ്റിലായിരുന്ന ബാല ഭാസ്‌കറിന് എങ്ങനെ ഗുരുതരമായ പരുക്കേറ്റെന്നും അദ്ദേഹത്തിന്റെ മരണം സംഭവിച്ചെന്നുമുള്ള കാര്യത്തിലുള്ള സംശയത്തിനാണ് ഇനി വ്യക്ത വരുത്തേണ്ടത്.