ഫ്‌ളോറിഡ: സിക വൈറസ് ബാധയെ തുടര്‍ന്ന് മിയാമിയിലേക്കുള്ള യാത്ര വിലക്കിക്കൊണ്ട് യു.എസ് ആരോഗ്യ മന്ത്രാലയം. ഫ്‌ളോറിഡയിലെ പ്രശസ്തമായ തുറമുഖ നഗരമാണ് മിയാമി. മധ്യ, വടക്ക് മയാമിയില്‍ കഴിഞ്ഞ ദിവസം 14 ഓളം പൗരന്മാര്‍ക്ക് സിക ബാധിച്ചതായി റിപ്പോര്‍ട്ട് ചെയ്തതിനാലാണിത്. മുന്‍കരുതലെന്നോണം പ്രദേശത്തേക്ക് ഗര്‍ഭിണികളുടെ യാത്ര പൂര്‍ണമായും നിരോധിച്ചതായി ആരോഗ്യ മന്ത്രാലയ മേധാവി ടോം ഫ്രീഡന്‍ പറഞ്ഞു. സിക വൈറസിനെതിരേയുള്ള പ്രതിരോധത്തിനുള്ള നിര്‍ദേശങ്ങളും സുരക്ഷയ്ക്കായി മുന്‍കരുതലുകളും നല്‍കിയതായി അദ്ദേഹം പറഞ്ഞു.