പരപ്പനങ്ങാടി: അരയന്‍കടപ്പുറത്തെ മത്സ്യത്തൊഴിലാളികളുടെ നേതൃത്വത്തില്‍ പുതുതായി പണി കഴിപ്പിച്ച സുപ്രഭാതത്തിന്റെ പേരിലുള്ള ഫൈബര്‍ ബോട്ട് കടലിലിറക്കി. പാണക്കാട് സയ്യിദ് സാദിഖലി ശിഹാബ് തങ്ങള്‍ കടപ്പുറത്തെത്തി പ്രത്യേകം പ്രാര്‍ഥന നിര്‍വഹിച്ചായിരുന്നു വള്ളത്തിന്റെ ഉദ്ഘാടനം. മഹല്ല് ഖത്തീബ് ശഫീഖ് ദാരിമിയുടെ നേതൃത്വത്തില്‍ വള്ളത്തില്‍ മജ്‌ലിസുന്നൂര്‍ ആത്മീയ സംഗമവും നടത്തി.
സുപ്രഭാതം പത്രത്തിന്റെ പ്രചാരണാര്‍ഥമാണ് ബോട്ടിന് സുപ്രഭാതം എന്ന് പേരിട്ടതെന്ന് വള്ളത്തിന്റെ കാര്യദര്‍ശിയും മഹല്ല് പ്രസിഡന്റുമായ കെ.എസ് സൈതലവി പറഞ്ഞു. ഉദ്ഘാടന ചടങ്ങില്‍ എസ്.കെ എസ്.എസ്.എഫ് വെസ്റ്റ് ജില്ലാ വൈസ് പ്രസിഡന്റ്‌നൗഷാദ് ചെട്ടിപ്പടി, മേഖലാ പ്രസിഡന്റ് സൈതലവി ഫൈസി, കെ.എസ് സൈതലവി, പി.എസ് സൈതലവി, അനസ് യമാനി, റാജിബ് ഫൈസി, യാസര്‍ ഫൈസി, പി.പി ഷാഹുല്‍ ഹമീദ് മാസ്റ്റര്‍, കെ.പി നൗഷാദ് തുടങ്ങിയവര്‍ സംബന്ധിച്ചു.