മന്ദസുര്‍: മധ്യപ്രദേശില്‍ കര്‍ഷക പ്രക്ഷോഭത്തിനിടെ നടത്തിയ വെടിവെപ്പില്‍ മരിച്ചവരുടെ കുടുംബങ്ങളെ സന്ദര്‍ശിക്കാനെത്തിയ കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധിയെ പൊലിസ് തടഞ്ഞു. നിമൂച്ചില്‍ വെച്ചാണ് അദ്ദേഹത്തെ പൊലിസ് തടഞ്ഞത്.   ഉദയ്പൂര്‍ വിമാനത്താവളത്തിലെത്തിയ രാഹുല്‍ റോഡുമാര്‍ഗം യാത്രതിരിച്ചത്. രാഹുല്‍ ഗാന്ധിയെ തടയുമെന്ന് പൊലിസ് നേരത്തെ അറിയിച്ചിരുന്നു.

ജൂണ്‍ ഒന്നുമുതല്‍ ഒറ്റപ്പെട്ട നിലയില്‍ തുടങ്ങിയ പ്രതിഷേധം ചൊവ്വാഴ്ചയാണ് അക്രമാസക്തമായത്. സംസ്ഥാന ബി.ജെ.പി സര്‍ക്കാരിന്റെ ഭാഗത്തു നിന്ന് പ്രതിഷേധക്കാരെ അനുനയിപ്പിക്കാനുള്ള ശ്രമം ഉണ്ടാകാത്തതാണ് പ്രതിഷേധം അക്രമാസക്തമായ രീതിയിലേക്ക് എത്താന്‍ ഇടയായത്.

കര്‍ഷകര്‍ മരിച്ചത് വെടിവെപ്പലല്ലെന്നായിരുന്നു മുഖ്യമന്ത്രിയുടെ വാദം. എന്നാല്‍ പൊലിസ് വെടിവെപ്പിലാണ് കര്‍ഷകര്‍ കൊല്ലപ്പെട്ടതെന്ന് ഇന്ന് ആഭ്യന്തമന്ത്രി വ്യക്തമാക്കിയിരുന്നു.