ന്യൂയോര്‍ക്ക്: യു.എസ് ഓപ്പണില്‍ ഇതിഹാസതാരം റോജര്‍ ഫെഡററെ വിറപ്പിച്ച് ഇന്ത്യന്‍ താരം സുമീത് നഗല്‍. ആര്‍തര്‍ ആഷെ സ്റ്റേഡിയത്തില്‍ നടന്ന മത്സരത്തില്‍ ഒന്നാം സെറ്റില്‍ ഇതിഹാസതാരത്തെ നിഷ്പ്രഭനാക്കിയ പ്രകടനമാണ് ഇന്ത്യന്‍ യുവതാരം പുറത്തെടുത്തത്. 64 ന് സുമീത് ഒന്നാം സെറ്റ് പിടിച്ചെടുത്തു.

ഒന്നാം റൗണ്ടില്‍ സുമീത് നഗലിനെതിരെ ആദ്യസെറ്റ് നഷ്ടപ്പെടുത്തിയ ശേഷമാണ് ഫെഡറര്‍ വിജയിച്ചുകയറിയത്. രണ്ടാം സെറ്റില്‍ ഫെഡറര്‍ ശക്തമായി തിരിച്ചെത്തി.

സൂപ്പര്‍താരം തിളങ്ങിയതോടെ സുമീതിന് പിടിച്ചുനില്‍ക്കാനായില്ല. 5-0ത്തിന് ഫെഡറര്‍ മുന്നിലെത്തിയ ശേഷമാണ് സുമീതിന് ഒരു ഗെയിം നേടാനായത്. 6-1ന് സുമീത് മത്സരം സ്വന്തമാക്കി. മൂന്നാം സെറ്റില്‍ ആദ്യം ഒപ്പത്തിനൊപ്പം പിടിച്ചുനിന്നെങ്കിലും ഒടുവില്‍ ഫെഡററുടെ പരിചയസമ്പത്തിന് മുന്നില്‍ ഇന്ത്യന്‍ താരം കീഴടങ്ങുകയായിരുന്നു. 6-2 ന് ഫെഡറര്‍ മൂന്നാം സെറ്റ് സ്വന്തമാക്കി. നാലാം സെറ്റില്‍ കൂടുതല്‍ മികച്ച പ്രകടനം സുമീത് കാഴ്ചവച്ചു. ഒപ്പത്തിനൊപ്പം പൊരുതിയ ഇന്ത്യന്‍ താരത്തെ ഒടുവില്‍ 6-4 ന് കീഴടക്കി ഫെഡറര്‍ യു.എസ് ഓപ്പണിലെ രണ്ടാം റൗണ്ടിലേക്ക് മുന്നേറി.