കാസര്‍കോട്: ഇടിമിന്നലില്‍ കത്തിനശിച്ച കാസര്‍കോട് ഗവ. കോളജിലെ കംപ്യൂട്ടര്‍ ലാബ് പുനസ്ഥാപിക്കാന്‍ അടിയന്തര നടപടി സ്വീകരിക്കണമെന്ന് എന്‍.എ നെല്ലിക്കുന്ന് എം.എല്‍.എ വിദ്യാഭ്യാസ മന്ത്രി പ്രൊഫ. സി രവീന്ദ്രനാഥിനെ നേരില്‍ കണ്ട് ആവശ്യപ്പെട്ടു. കഴിഞ്ഞ അഞ്ചിനു വൈകുന്നേരത്തോടെയുണ്ടായ ഇടിമിന്നലില്‍ ലാബ് പൂര്‍ണമായും കത്തിനശിച്ചിരുന്നു.
കഴിഞ്ഞ അക്കാദമിക് വര്‍ഷത്തില്‍ ബി.എസ്.സി കംപ്യൂട്ടര്‍ സയന്‍സ് ഒന്നും രണ്ടു വര്‍ഷം പൂര്‍ത്തിയാക്കിയവരുടെ ലാബ് പരീക്ഷ അടുത്ത മാസം തുടങ്ങാനിരിക്കേയാണ് ദുരന്തം സംഭവിച്ചത്. അതിനാല്‍ ഒരു മാസത്തിനുള്ളില്‍ ലാബ് പുനഃസ്ഥാപിച്ചില്ലെങ്കില്‍ പരീക്ഷയ്ക്ക് മറ്റു സ്ഥാപനങ്ങളെ ആശ്രയിക്കേണ്ടി വരുമെന്നും അദ്ദേഹം മന്ത്രിയുടെ ശ്രദ്ധയില്‍പ്പെടുത്തി.