വാണിമേല്‍: വെള്ളിയോട് ഗവ:ഹയര്‍ സെക്കന്‍ഡറി സ്‌കൂളിന് കോഴിക്കോട് ജില്ലാ പഞ്ചായത്ത് അനുവദിച്ച ബസ് സ്‌കൂള്‍ ഹെഡ് മാസ്റ്റര്‍ക്ക് താക്കോല്‍ കൈമാറിക്കൊണ്ട് ജില്ലാ പഞ്ചായത്ത് പ്രസിഡന്റ് ബാബു പറശ്ശേരി ഉദ്ഘാടനം നിര്‍വഹിച്ചു.
വാണിമേല്‍ ഗ്രാമപഞ്ചായത്ത് പ്രസിഡന്റ് ഒ.സി ജയന്‍ അധ്യക്ഷനായി.
മലയോര പ്രദേശങ്ങളില്‍ നിന്നടക്കമുള്ള പ്രൈമറി മുതല്‍ ഹയര്‍ സെക്കന്‍ഡറി വരെ ആയിരത്തിലധികം കുട്ടികള്‍ പഠിക്കുന്ന സ്‌കൂളിന് ബസ് ലഭിച്ചത് വിദ്യാര്‍ഥികളുടെ യാത്ര സൗകര്യത്തിന് വലിയ ആശ്വാസമാവും.
ജില്ലാ പഞ്ചായത്ത് അംഗം പി.കെ സജിത,ബ്ലോക്ക് പഞ്ചായത്ത് പ്രസിഡന്റ് സി.എച്ച് ബാലകൃഷണന്‍ ,മുന്‍ ഗ്രാമപഞ്ചായത്ത് പ്രസിഡന്റ് എന്‍.കെ മൂസ്സ മാസ്റ്റര്‍,കെ.പി രാജീവന്‍,എന്‍.പി ദേവി,മുനീറ കാര്യാട്ട്,കെ.പി രാജന്‍, സിദ്ദീഖ് വെള്ളിയോട്,ബ്ലോക്ക് പഞ്ചായത്ത് അംഗം കെ.ചന്ദു മാസ്റ്റര്‍ സംസാരിച്ചു.
ഉദ്ഘാടനത്തോടനുബന്ധിച്ചു വിദ്യാര്‍ഥികളും നാട്ടുകാരും അണി ചേര്‍ന്ന ഘോഷ യാത്രയും നടന്നു.