കൊണ്ടോട്ടി: കരിപ്പൂര്‍ വിമാനത്താവളം വഴി കടത്തിയ സ്വര്‍ണം യുവാവില്‍ നിന്ന് തട്ടിയെടുത്ത കേസില്‍ അന്വേഷണത്തിനെത്തിയ പൊലിസ് സംഘത്തെ വയനാട്ടില്‍ തടഞ്ഞ സംഭവത്തില്‍ യുവാവ് അറസ്റ്റില്‍. വയനാട് കമ്പളക്കാട് ചെറുവനശ്ശേരി മുസ്തഫ (30) യെയാണ് കൊണ്ടോട്ടി ഇന്‍സ്‌പെക്ടര്‍ എന്‍.ബി. ഷൈജുവിന്റെ പരാതിയില്‍ കമ്പളക്കാട് പൊലിസ് അറസ്റ്റു ചെയ്തത്. കൊണ്ടോട്ടി സ്വദേശിയായ യുവാവിനെ തട്ടിക്കൊണ്ടുപോയി 800 ഗ്രാമോളം സ്വര്‍ണം വയനാട് സ്വദേശികള്‍ കവര്‍ന്നരിന്നു. ഈ സംഭവത്തില്‍ മൂന്ന് പേര്‍ റിമാന്‍ഡിലാണ്. ഇവരില്‍ നിന്ന് ലഭിച്ച വിവരമനുസരിച്ച് കേസില്‍ ഉള്‍പ്പെട്ട മുഹ്‌സിനെ അന്വേഷിച്ച് വീട്ടിലെത്തിയപ്പോഴാണ് സഹോദരനായ മുസ്തഫ പൊലിസിനെ തടഞ്ഞത്.