പെരുമ്പാവൂര്‍: കേരള വിശ്വകര്‍മസഭ പെരുമ്പാവൂര്‍ യൂണിയന്റെ ആഭിമുഖ്യത്തില്‍ സെപ്തംബര്‍ 17ന് നടക്കുന്ന വിശ്വകര്‍മദിനാഘോഷം വിജയിപ്പിക്കുന്നതിനായി സ്വാഗതംസംഘം രൂപീകരിച്ചു. ഘോഷയാത്ര, സാംസ്‌കാരിക സമ്മേളനം, വിശിഷ്ട വ്യക്തികളെ ആദരിക്കല്‍, വിദ്യാഭ്യാസ അവര്‍ഡ് വിതരണം എന്നിവ നടക്കും. പരിപാടിയുടെ വിജയത്തിനായി 501 അംഗ സ്വാഗത സംഘമാണ് രൂപീകരിച്ചിട്ടുള്ളത്. രൂപീകരണ യോഗം സംസ്ഥാന ബോര്‍ഡ് മെമ്പര്‍ കെ.എ മോഹനന്‍ ഉദ്ഘാടനം ചെയ്തു. താലൂക്ക് പ്രസിഡന്റ് പി.ജി നാരായണന്‍ അധ്യക്ഷത വഹിച്ചു. സഭാ നേതാക്കളായ കെ.കെ ചന്ദ്രന്‍, എം.കെ സുധാകരന്‍, പി.എ നാരായണന്‍, എ.എം ശിവന്‍, കെ.കെ.വി കൊമ്പനാട്, പി.എന്‍ രാമചന്ദ്രന്‍, കെ.ആര്‍ വിജയന്‍, പി.കെ രാജന്‍, കെ.കെ ജിതേഷ്, ശ്യാമള രാമചന്ദ്രന്‍, സുനി മുരളി, സിനില്‍ ഇരവിച്ചിറ, പി.കെ ബാലന്‍ എന്നിവര്‍ സംസാരിച്ചു.