മലപ്പുറം: ദുരന്തങ്ങളില്‍ കണ്ണു തുറക്കുകയും ക്ഷമ പാലിക്കുകയും പ്രാര്‍ഥന അധികരിപ്പിക്കുകയും ചെയ്യണമെന്നു സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജന. സെക്രട്ടറി എം.ടി അബ്ദുല്ല മുസ്‌ലിയാര്‍ പറഞ്ഞു.
ദുരിതബാധിതര്‍ക്കു സഹായമെത്തിക്കുന്നതിന് എല്ലാവരും മുന്നിട്ടിറങ്ങണം.
ഉരുള്‍പൊട്ടല്‍ ദുരന്തമുണ്ടായ കവളപ്പാറ മേഖലയിലും പാതാറില്‍ തകര്‍ന്ന പള്ളിയിലും വീടുകളിലും സന്ദര്‍ശനം നടത്തുകയായിരുന്നു അദ്ദേഹം.
സമസ്ത മലപ്പുറം ജില്ലാ സെക്രട്ടറി മൊയ്തീന്‍ ഫൈസി പുത്തനഴി, അലി ഫൈസി പാവണ്ണ, സലീം എടക്കര, നൂര്‍ ഫൈസിചുങ്കത്തറ, മുഹമ്മദ് ദാരിമി എടക്കര, ശംസുദ്ദീന്‍ ദാരിമി, പാതാര്‍ മുഹമ്മദ് ഫൈസി, ഫള്‌ലുദ്ദീന്‍ ഫൈസി, പനോളി മുഹമ്മദ് ഹാജി, പോക്കര്‍ ഹാജി പൂളപ്പാടം, ചെമ്മല നാണി ഹാജി തുടങ്ങിയവരും സംബന്ധിച്ചു.