മലിനീകരണ നിയന്ത്രണ ബോര്‍ഡ് മന്ദിരം രണ്ട് വര്‍ഷത്തിനുള്ളില്‍ പൂര്‍ത്തിയാക്കണം

backup

June 09 2017 | 19:06 PM

%e0%b4%ae%e0%b4%b2%e0%b4%bf%e0%b4%a8%e0%b5%80%e0%b4%95%e0%b4%b0%e0%b4%a3-%e0%b4%a8%e0%b4%bf%e0%b4%af%e0%b4%a8%e0%b5%8d%e0%b4%a4%e0%b5%8d%e0%b4%b0%e0%b4%a3-%e0%b4%ac%e0%b5%8b%e0%b4%b0%e0%b5%8d-4

തിരുവനന്തപുരം: മലിനീകരണനിയന്ത്രണബോര്‍ഡിനു വേണ്ടി നിര്‍മിക്കുന്ന പുതിയ കെട്ടിടം 2 വര്‍ഷത്തിനുള്ളില്‍ പൂര്‍ത്തിയാക്കണമെന്ന് സംസ്ഥാന മനുഷ്യാവകാശ കമ്മീഷന്‍.
പുതിയ കെട്ടിടത്തിലേക്ക് ഓഫിസ് മാറുന്നതുവരെ പ്ലാമൂട്ടിലെ വാടകകെട്ടിടത്തില്‍ പ്രവര്‍ത്തിക്കുന്ന ഓഫിസില്‍ ആവശ്യമായ ഭേദഗതികള്‍ വരുത്തി സന്ദര്‍ശകര്‍ക്കുണ്ടാകുന്ന ബുദ്ധിമുട്ടുകള്‍ ഒഴിവാക്കണമെന്ന് കമ്മീഷന്‍ ആക്റ്റിംങ് അദ്ധ്യക്ഷന്‍ പി.മോഹനദാസ് നിര്‍ദ്ദേശിച്ചു.
സന്ദര്‍ശകരുമായി ബന്ധപ്പെട്ട കാര്യങ്ങള്‍ നാലുനില കെട്ടിടത്തിന്റെ താഴെത്തെ നിലയില്‍ ഒരുക്കണമെന്നും കമ്മീഷന്‍ ഉത്തരവില്‍ പറഞ്ഞു.
മലിനീകരണ നിയന്ത്രണബോര്‍ഡിന്റെ കേന്ദ്ര ഓഫിസില്‍ സാധാരണ സന്ദര്‍ശകര്‍ അനുഭവിക്കുന്ന പ്രയാസങ്ങള്‍ പരിഹരിക്കണമെന്നാവശ്യപ്പെട്ട് ജേര്‍ണലിസ്റ്റ് പെന്‍ഷനേഴ്‌സ് അസോസിയേഷന്‍ പ്രസിഡന്റ് പൂവച്ചല്‍ സദാശിവന്‍ സമര്‍പ്പിച്ച ഹര്‍ജിയിലാണ് ഉത്തരവ്. പ്ലാമൂട്ടിലെ കേന്ദ്ര ഓഫിസില്‍ ലിഫ്റ്റ് സൗകര്യമില്ല.
ചെറുവയ്ക്കലില്‍ സ്ഥലം വാങ്ങി പുതിയ കെട്ടിടം നിര്‍മിക്കുന്നതിനുള്ള നടപടികള്‍ ആരംഭിച്ചതായി ബോര്‍ഡ് ചെയര്‍മാന്‍ കമ്മീഷനെ അറിയിച്ചു.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."