ഇസ്‌ലാമാബാദ്: പാക് അധീന കശ്മീരിനെ ഇന്ത്യ ആക്രമിച്ചാല്‍ ശക്തമായി തിരിച്ചടിക്കുമെന്ന് പാകിസ്താന്‍ പ്രധാനമന്ത്രി ഇമ്രാന്‍ഖാന്‍. ഇസ്‌ലാമാബാദില്‍ ഒരു റാലിയെ അഭിസംബോധന ചെയ്യവെ ഇന്ത്യന്‍ പ്രധാനമന്ത്രി നരേന്ദ്രമോദിയെ ഫാസിസ്റ്റ് എന്നു വിളിച്ച ഇമ്രാന്‍ മോദിയെ ഹിറ്റ്‌ലറോട് ഉപമിച്ചു.
കശ്മീരില്‍ മുസ്‌ലിം വംശഹത്യ നടന്നേക്കുമെന്ന് ആശങ്ക പ്രകടിപ്പിച്ച അദ്ദേഹം അന്താരാഷ്ട്ര സമൂഹം ഇടപെട്ടില്ലെങ്കില്‍ ആണവയുദ്ധം നടന്നേക്കാമെന്ന് മുന്നറിയിപ്പു നല്‍കി.
അടുത്ത മാസം യു.എന്‍ പൊതുസഭയെ താന്‍ അഭിസംബോധന ചെയ്യുമ്പോള്‍ കശ്മീരിലെ മനുഷ്യാവകാശ ധ്വംസനങ്ങള്‍ ഉയര്‍ത്തുമെന്നും ഇമ്രാന്‍ഖാന്‍ പറഞ്ഞു. ഇന്നലെ പാകിസ്താനിലുടനീളം ജമ്മുകശ്മീരിലെ ജനങ്ങള്‍ക്ക് ഐക്യദാര്‍ഢ്യം പ്രഖ്യാപിച്ചുള്ള റാലികള്‍ നടന്നു.