ബദിയഡുക്ക: 11.250 ലിറ്റര്‍ ഗോവന്‍ നിര്‍മിത വിദേശമദ്യവുമായി വിദ്യാഗിരിയിലെ ശശികുമാറിനെ(45)ബദിയഡുക്ക എക്‌സൈസ് സംഘം അറസ്റ്റുചെയ്തു. 750മില്ലിയുടെ 15കുപ്പി മദ്യമാണ് പിടിച്ചത്. ബദിയഡുക്ക റെയ്ഞ്ച് പ്രിവന്റിവ് ഓഫിസര്‍ എം. രാജീവന്റെ നേതൃത്വത്തിലായിരുന്നു പരിശോധന. സിവില്‍ എക്‌സൈസ് ഓഫിസര്‍മാരായ മുഹമ്മദ് കബീര്‍, പ്രതീഷ്, പ്രഭാകരന്‍, ഡ്രൈവര്‍ രാധാകൃഷ്ണന്‍ എന്നിവരും പരിശോധനസംഘത്തിലുണ്ടായിരുന്നു. ശശികുമാര്‍ നേരത്തെ നാലു സ്പിരിറ്റ് കേസുകളില്‍ പ്രതിയാണെന്നും വര്‍ഷങ്ങളായി വിദ്യാഗിരി സ്‌കൂളിനു സമീപത്തെ കാട് കേന്ദ്രീകരിച്ച് മദ്യ വില്‍പന നടത്തി വരികയാണെന്നും എക്‌സൈസ് സംഘം പറഞ്ഞു.