മണ്ണഞ്ചേരി: ബാലകൃഷ്ണപിള്ളയുടെ ന്യൂനപക്ഷ വിരുദ്ധ പ്രസ്താവനയില്‍ പ്രതിഷേധിച്ച് മണ്ണഞ്ചേരി മുസ്‌ലിംഐക്യവേദിയുടെ ആഭിമുഖ്യത്തില്‍ പ്രതിഷേധ പ്രകടനം നടത്തി. കുന്നപ്പള്ളി ജംഗ്ഷനില്‍ നിന്നും ആരംഭിച്ച പ്രകടനം മണ്ണഞ്ചേരി വള്ളക്കടവില്‍ സമാപിച്ചു. പ്രകടനത്തിന് എസ്.മുഹമ്മദ് കോയ തങ്ങള്‍, ജൗഹര്‍ കോയ തങ്ങള്‍, മശ്ഹൂര്‍ കോയ തങ്ങള്‍ റ്റി.എ.ജഅഫര്‍ മൗലവി,അന്‍സല്‍ ബി.കോര്യംപള്ളി,എസ് മുഹമ്മദ് ബഷീര്‍, അബ്ദുല്ല വാഴയില്‍,കെ.എ.ജാഫര്‍ മൗലവി, ബി.അനസ്,പി.എസ്.സുനീര്‍ രാജ,നവാസ് തുരുത്തിയില്‍,എസ്.ഷാന്‍,ഉനൈസ് മരോട്ടിച്ചുവട്, അബ്ദുല്‍സലാം മാപ്പിളതയ്യില്‍ തുടങ്ങിയവര്‍ നേതൃത്വം നല്‍കി.
ആലപ്പുഴ: ആര്‍.ബാലകൃഷ്ണപിള്ള നടത്തിയ വിവാദ പ്രസ്താവന കേരളത്തിന്റെ മതേതര സൗഹൃദത്തിന് യോജിക്കാത്തതാണെന്ന് എസ്.കെ.എസ്.എസ്.എഫ് ആലപ്പുഴ മേഖലാ പ്രസിഡന്റ് പി.ജെ അഷ്‌റഫ് ലബ്ബാ ദാരിമി, ജനറല്‍ സെക്രട്ടറി എ.എം.എം ശാഫി റഹ് മത്തുല്ലാഹ് എന്നിവര്‍ സംയുക്ത പ്രസ്താവനയില്‍ അറിയിച്ചു.
ബാലകൃഷ്ണപിള്ളയുടെ അനാദരവ് നിറഞ്ഞ പ്രസ്താവന  മതേതരത്വത്തെ തകര്‍ക്കുന്നതാണെന്ന് എസ്.വൈ.എസ് ആലപ്പുഴ മേഖലാകമ്മിറ്റി അഭിപ്രായപ്പെട്ടു.