ശ്രീനഗര്‍: കശ്മീരിലെ ഗൂരേസ് സെക്ടറില്‍ പാക് നുഴഞ്ഞുകയറ്റം തകര്‍ത്ത് ഇന്ത്യ. ഏറ്റുമുട്ടലില്‍ ഒരു തീവ്രവാദി കൊല്ലപ്പെട്ടു. ഇന്നു രാവിലെയായിരുന്നു ഏറ്റുമുട്ടല്‍.

കൊല്ലപ്പെട്ട തീവ്രവാദിയില്‍നിന്നു ആയുധങ്ങള്‍ സൈന്യം പിടിച്ചെടുത്തു.

കഴിഞ്ഞ ദിവസം ഉറിയില്‍ നിയന്ത്രണരേഖ വഴി നുഴഞ്ഞുകയറാന്‍ ശ്രമിച്ച അഞ്ച് ഭീകരരെ സൈന്യം വധിച്ചിരുന്നു.

ഇതോടെ മൂന്നു ദിവസങ്ങള്‍ക്കുള്ളില്‍ നുഴഞ്ഞുകയറ്റ ശ്രമത്തിനിടെ സൈന്യം വധിച്ച ഭീകരരുടെ എണ്ണം 13 ആയി.

മേഖലയില്‍ സൈന്യം ശക്തമായ തിരച്ചില്‍ നടത്തിവരികയാണ്. ഭീകരരെ പൂര്‍ണമായും ഒഴിപ്പിക്കാനുള്ള നീക്കം പുരോഗമിക്കുകയാണെന്നു സൈനിക വക്താവ് അറിയിച്ചു.