തളിപ്പറമ്പ്: സുരക്ഷയുടെ ഭാഗമായി പരിയാരം മെഡിക്കല്‍ കോളജ് പരിസരങ്ങളില്‍ ബോംബ് സ്‌ക്വാഡ് പരിശോധന നടത്തി.
കണ്ണൂരില്‍ നിന്നെത്തിയ ബോംബ് സ്‌ക്വാഡ് എസ്.ഐ ശശികുമാര്‍, പരിയാരം എസ്.ഐ വി.ആര്‍ വിനീഷ് എന്നിവരുടെ നേതൃത്വത്തില്‍ ഇന്നലെ രാവിലെ പതിനൊന്നോടെയാണ് പരിശോധന ആരംഭിച്ചത്.
മെഡിക്കല്‍ കോളജ് പരിസരം, പാര്‍ക്കിങ് സ്ഥലങ്ങള്‍, ഔഷധി പരിസരം, ഒഴിഞ്ഞ പറമ്പുകള്‍ എന്നിവടങ്ങളിലാണ് പരിശോധന നടന്നത്. രഹസ്യാന്വേഷണ വിഭാഗത്തിന്റെ റിപ്പോര്‍ട്ടുകളുടെ അടിസ്ഥാനത്തിലായിരുന്നു പരിശോധന. പരിശോധനകളില്‍ സംശയാസ്പദമായി ഒന്നും കണ്ടെത്തിയില്ല.