പാലാ: പാലായില്‍ യു.ഡി.എഫിന് ചിഹ്നം പോലുമില്ലെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. ജോസഫ് നേരത്തെ ഒട്ടകവും കൊണ്ടുപോയി. ഇപ്പോള്‍ രണ്ടിലയും കൊണ്ടുപോയി. ഇനിയിപ്പോ പുലിയാണോ ചിഹ്നമെന്ന് അറിയില്ല. പാലായില്‍ ശബരിമല വിഷയം ചര്‍ച്ചയാക്കിയാല്‍ സി.പി.എം അതില്‍നിന്ന് ഒളിച്ചോടില്ല.
സി.പി.എം വിശ്വാസികളോട് നിലപാട് വിശദീകരിക്കും. ശബരിമല വിഷയത്തില്‍ മുഖ്യമന്ത്രിയും പാര്‍ട്ടിയും രണ്ടു തട്ടിലല്ല. ശബരിമല വിഷയത്തില്‍ ബി.ജെ.പിയും കോണ്‍ഗ്രസും വിശ്വാസികളെ കബളിപ്പിച്ചു. സുപ്രിംകോടതി വിധി മറികടക്കാന്‍ നിയമനിര്‍മാണം പറ്റില്ലെന്നാണ് ബി.ജെ.പി ഇപ്പോള്‍ പറയുന്നത്.
ഭരണനേട്ടങ്ങള്‍ മുന്‍നിര്‍ത്തി തന്നെയാണ് ഇടതുമുന്നണി ജനങ്ങളെ അഭിമുഖീകരിക്കുന്നത്. സംസ്ഥാന, ദേശീയ രാഷ്ട്രീയവും ചര്‍ച്ചാ വിഷയമാക്കും. ഉപതെരഞ്ഞെടുപ്പ് സര്‍ക്കാരിന്റെ വിലയിരുത്തലാകുമെന്ന് മുഖ്യമന്ത്രി തന്നെ വ്യക്തമാക്കിയിട്ടുണ്ടെന്നും കോടിയേരി പറഞ്ഞു.