മലപ്പുറം: ഇ.എം.എസിന്റെ ലോകം ദേശീയ സെമിനാര്‍ 13,14 തിയതികളില്‍ ചെമ്മാട് താജ് കണ്‍വന്‍ഷന്‍ സെന്ററില്‍ നടക്കും. ഇ.എം.എസിന്റെ സ്മരണയ്ക്കു നടത്തുന്ന ഇരുപതാമതു സെമിനാറില്‍ 1,600 പ്രതിനിധികള്‍ പങ്കെടുക്കും.
13നു രാവിലെ 10നു മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. 11.30നു സ്പീക്കര്‍ പി. ശ്രീരാമകൃഷ്ണന്‍ അനുസ്മരണ പ്രഭാഷണം നടത്തും. രണ്ടിന് 'ഇന്ത്യന്‍ ദേശീയത പ്രതിസന്ധിയും പ്രതിരോധവും' സെഷന്‍ സി.പി.എം പോളിറ്റ് ബ്യൂറോ അംഗം എസ്. രാമചന്ദ്രന്‍ പിള്ള ഉദ്ഘാടനം ചെയ്യും. 14നു രാവിലെ 10നു 'മൂലധനം അറ്റ് 150' സെമിനാര്‍ കോടിയേരി ബാലകൃഷ്ണന്‍ ഉദ്ഘാടനം ചെയ്യും. പി. രാജീവ്, ഡോ. കെ.എന്‍ ഗണേഷ്, ഡോ. സുനില്‍ പി. ഇളയിടം, എ. വിജയരാഘവന്‍ എന്നിവര്‍ വിവിധ വിഷയങ്ങള്‍ അവതരിപ്പിക്കും. പോളിറ്റ് ബ്യൂറോ അംഗം പ്രകാശ് കാരാട്ട് സമാപന പ്രഭാഷണം നടത്തും.
വാര്‍ത്താസമ്മേളനത്തില്‍ വി. അബ്ദുര്‍റഹിമാന്‍ എം.എല്‍.എ, ഇ.എന്‍ മോഹന്‍ദാസ്, വേലായുധന്‍ വള്ളിക്കുന്ന്, പി. അശോകന്‍, സി. ഇബ്രാഹീംകുട്ടി പങ്കെടുത്തു.