തളിപ്പറമ്പ്: കനത്തമഴയില്‍ നിര്‍മാണത്തിലിരിക്കുന്ന വീടിനോട് ചേര്‍ന്ന സംരക്ഷണ ഭിത്തിയും മതിലും തകര്‍ന്നു. കുപ്പം മരത്തക്കാട്ടെ പി. നസീറിന്റെ വീടിനോട് ചേര്‍ന്നാണ് നാശമുണ്ടായത്. മതില്‍ തകര്‍ന്നതോടെ അപകടാവസ്ഥയിലായ വീട് ഏതുനിമിഷവും നിലംപതിക്കുന്നരീതിയിലാണ്. മൂന്നരലക്ഷം രൂപയുടെ നഷ്ടം കണക്കാക്കുന്നു. അപകട സമയത്ത് തൊഴിലാളികള്‍ ഇല്ലാത്തതിനാല്‍ വന്‍ ദുരന്തം ഒഴിവായി. ഓട്ടോ ഡ്രൈവറായ നസീര്‍ തളിപ്പറമ്പ് കാര്‍ഷിക വികസന ബാങ്കില്‍ നിന്നു അഞ്ചുലക്ഷം രൂപ വായ്പയെടുത്താണ് വീട് നിര്‍മാണം തുടങ്ങിയത്. പുരയിടത്തോട് ചേര്‍ന്ന് താഴ്ചയുളള സ്ഥലമായതിനാല്‍ ലക്ഷങ്ങള്‍ ചെലവഴിച്ചാണ് സംരക്ഷണ ഭിത്തിയും മതിലും നിര്‍മിച്ചത്.