നാദാപുരം: ഹര്‍ത്താലിന്റെ മറവില്‍ നാദാപുരത്ത് മൂന്നു പെട്ടിക്കടകള്‍ തീവച്ച് നശിപ്പിച്ചു.
നാദാപുരം സബ് റജിസ്റ്റാര്‍ ഓഫിസ് പരിസരത്തു പ്രവര്‍ത്തിക്കുന്ന മൂന്ന് പെട്ടിക്കടകളാണ് വെള്ളിയാഴ്ച പുലര്‍ച്ചെ കത്തി നശിച്ചത്. ഇവയില്‍  രണ്ടെണ്ണം ഉച്ചക്ക് ശേഷം തുറന്നു പ്രവര്‍ത്തിക്കുന്ന ലഘു ഭക്ഷണ  വില്‍പ്പന കേന്ദ്രവും മറ്റൊന്നു പാന്‍ മസാലക്കടയുമാണ്.
വെള്ളിക്കുളങ്ങര സ്വദേശി അഷ്‌റഫിന്റെതാണ് ചായക്കട. ഇവിടെ സൂക്ഷിച്ച പാചകവാതക സിലിണ്ടര്‍ തീ വയ്പ്പില്‍  പൊട്ടിച്ചിതറിയ നിലയിലാണുള്ളത്.
ഇവയോട് ചേര്‍ന്ന് പാന്‍ മസാല കച്ചവടം ചെയ്യുന്ന യു.പി സ്വദേശി സുഭാഷിന്റെ കടയും തീ വയ്പ്പില്‍ പൂര്‍ണമായും കത്തി നശിച്ചു. ഇവിടെ ഇരുപതിനായിരത്തിലധികം രൂപയുടെ നഷ്ടമുണ്ടായിട്ടുണ്ട്.