കൊച്ചി: സി.പി.ഐ നടത്തിയ ഡി.ഐ.ജി ഓഫിസ് മാര്‍ച്ചിലെ സംഘര്‍ഷവുമായി ബന്ധപ്പെട്ട കേസില്‍ മുന്‍കൂര്‍ ജാമ്യം തേടി എല്‍ദോ എബ്രഹാം എം.എല്‍.എയും പാര്‍ട്ടി എറണാകുളം ജില്ലാ സെക്രട്ടറി പി.രാജുവും ഹൈക്കോടതിയില്‍.
ജൂലൈ 23 ന് നടന്ന മാര്‍ച്ചിലെ സംഘര്‍ഷവുമായി ബന്ധപ്പെട്ട് വിവിധ വകുപ്പുകള്‍ ചേര്‍ത്താണ് എറണാകുളം സെന്‍ട്രല്‍ പൊലിസ് കേസ് രജിസ്റ്റര്‍ ചെയ്തിട്ടുള്ളത്. സമരത്തിനിടയിലുണ്ടായ സംഘര്‍ഷത്തില്‍ എ.സി.പി അടക്കമുള്ള ഉദ്യോഗസ്ഥര്‍ക്ക് പരുക്കേറ്റതായാണ് പൊലിസ് രേഖപ്പെടുത്തിയിട്ടുള്ളത്.
ആരോപണങ്ങള്‍ അടിസ്ഥാനരഹിതമാണ്. പൊലിസ് തങ്ങളെ അനാവശ്യമായി മര്‍ദിക്കുകയാണ് ചെയ്തത്.
ലാത്തിച്ചാര്‍ജ് സംബന്ധിച്ച് അന്വേഷണം നടക്കുകയാണ്. മര്‍ദനത്തിന് നേതൃത്വം നല്‍കിയ എസ്.ഐയെ സസ്‌പെന്‍ഡ് ചെയ്തിട്ടുമുണ്ടെന്നും ഹരജിയില്‍ പറയുന്നു.