പട്‌ന:സംസ്ഥാനത്ത് ഹയര്‍ സെക്കന്‍ഡറി സ്‌കൂളുകളിലെ അധ്യാപകരുടെ കുറവ് പരിഹരിക്കാന്‍ എന്‍ജീനീയര്‍മാരെ അധ്യാപകരാക്കാന്‍ വിദ്യാഭ്യാസ വകുപ്പ് നീക്കം തുടങ്ങി. ഹയര്‍സെക്കന്‍ഡറിയില്‍ അധ്യാപക ഒഴിവ് ഏറ്റവും കൂടുതലുള്ളത് സയന്‍സ് വിഷയങ്ങള്‍ക്കാണ്. അധ്യാപകരാകാന്‍ ബി.എഡ് അനിവാര്യമാണെന്നത് തല്‍ക്കാലം നിര്‍ത്തിവച്ചാണ് എന്‍ജിനീയര്‍മാരെ സയന്‍സ് വിഷയങ്ങള്‍ പഠിപ്പിക്കാനായി നിയമിക്കാന്‍ തീരുമാനിച്ചത്. ഹയര്‍ സെക്കന്‍ഡറി തലം കുറ്റമറ്റ തരത്തിലാക്കുന്നതിനുള്ള ശ്രമങ്ങളാണ് സര്‍ക്കാരിന്റെ ഭാഗത്തു നിന്നുള്ളതെന്ന് വിദ്യാഭ്യാസ മന്ത്രി അശോക് ചൗധരി പറഞ്ഞു.