HOME
DETAILS

ബി.ജെ.പി ദേശീയ അധ്യക്ഷന്‍ അമിത് ഷാ ഇന്ന് കേരളത്തില്‍

  
backup
October 27 2018 | 03:10 AM

bjp-president-amtsha-today-kerala-spm-kerala-2710

കണ്ണൂര്‍: ബി.ജെ.പി ദേശീയ അധ്യക്ഷന്‍ അമിത് ഷാ കേരളത്തിലെത്തും. കണ്ണൂരിലെ ബി.ജെ.പി ജില്ലാ കമ്മിറ്റി ഓഫിസിന്റെ ഉദ്ഘാടനത്തിനായാണ് അമിത് ഷാ കണ്ണൂരിലെത്തുന്നത്. തുടര്‍ന്ന് പിണറായിയില്‍ കൊല്ലപ്പെട്ട ബി.ജെ.പി പ്രവര്‍ത്തകന്‍ രമിത്തിന്റെ വീട്ടിലും സന്ദര്‍ശനം നടത്തും.

കണ്ണൂര്‍ വിമാനത്താവളത്തില്‍ രാവിലെ 10.15നാണ് അമിത് ഷാ കേരളത്തിലെത്തുക. ഇതോടെ കണ്ണൂര്‍ വിമാനത്താവളത്തിലെത്തുന്ന ആദ്യ യാത്രക്കാരനായി മാറും അമിത് ഷാ. 11 മണിയോടെ ബി.ജെ.പി ജില്ലാ കമ്മിറ്റി ഓഫിസായ മാരാര്‍ജി ഭവന്റെ ഉദ്ഘാടനം നിര്‍വഹിക്കും. 1.50ന് കണ്ണൂരില്‍ നിന്ന് തിരുവനന്തപുരത്തേക്ക് തിരിക്കുന്ന അമിത് ഷാ വൈകീട്ട് ശിവഗിരിയില്‍ നടക്കുന്ന മഹാസമാധി നവതി ആഘോഷങ്ങളിലും പങ്കെടുക്കും.

ഇസെഡ് പ്ലസ് സുരക്ഷയോടെ എന്‍.എസ്.ജി പൊട്ടക്ഷന്‍ ഗ്രൂപ് അമിത് ഷായെ അനുഗമിക്കും. കൂടാതെ ഉത്തരമേഖള ഐ.ജിയുടെ നേതൃത്വത്തില്‍ 600 ഓളം പോലിസ് സന്നാഹം മട്ടന്നൂര്‍ വിമാനത്താവളം മുതല്‍ കണ്ണൂര്‍ വരെയും തിരിച്ചും കാവലൊരുക്കും.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."