HOME
DETAILS

ശ്രീജിവിന്റെ മരണം: സി.ബി.ഐ റിപ്പോര്‍ട്ടില്‍ പരാതിയുണ്ടെങ്കില്‍ ബോധിപ്പിക്കണമെന്ന് മാതാവിന് നോട്ടിസ്

  
backup
September 06 2019 | 15:09 PM

sreejeev-murder-case-notice-in-cbi

തിരുവനന്തപുരം: പൊലിസ് കസ്റ്റഡിയിലിരിക്കെ മരിച്ച ശ്രീജിവിന്റേത് കസ്റ്റഡി മരണമല്ല ആത്മഹത്യ തന്നെയെന്ന സി.ബി.ഐ സമര്‍പ്പിച്ച റിപ്പോര്‍ട്ടില്‍ ആക്ഷേപമുണ്ടെങ്കില്‍ ഈ മാസം 27ന് ബോധിപ്പിക്കണമെന്ന് മാതാവിന് സി.ബി.ഐ നോട്ടിസ്. സി.ബി.ഐ സമര്‍പ്പിച്ച റിപ്പോര്‍ട്ടില്‍ ശ്രീജിവിന്റേത് ആത്മഹത്യയാണെന്നാണ് പറയുന്നത്. ശ്രീജിവ് ആത്മഹത്യ ചെയ്തുവെന്നതിന് സാക്ഷി മൊഴികളും, സാഹചര്യ തെളിവുകളും, ശാസ്ത്രീയ തെളിവുകളുമുണ്ടെന്നും സി.ബി.ഐ കോടതിയില്‍ അറിയിച്ചിട്ടുണ്ട്.

ആത്മഹത്യാ കുറിപ്പും ഡോക്ടറുടെ മൊഴിയും ശ്രീജിവിന്റേത് ആത്മഹത്യ തന്നെയാണെന്ന് സൂചിപ്പിക്കുന്നെന്നാണ് വാദം. മോഷണ കേസില്‍ 2014 മെയ് 19നാണ് ശ്രീജിവിനെ കസ്റ്റഡിയിലെടുക്കുന്നത്. എന്നാല്‍ ശ്രീജിവ് ഒരു പെണ്‍കുട്ടിയുമായി പ്രണയത്തിലായിരുന്നുവെന്നും ഇതില്‍ പെണ്‍കുട്ടിയുടെ മാതാപിതാക്കള്‍ പൊലിസിനെ സ്വാധീനിച്ച് കസ്റ്റഡിയില്‍ വച്ച് വിഷം നല്‍കി കൊലപ്പെടുത്തിയെന്നായിരുന്നു സഹോദരന്‍ ശ്രീജിത്തിന്റെ ആരോപണം.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."