മൂവാറ്റുപുഴ: തടിമില്ലിന് തീപിടിച്ചത് പരിഭ്രാന്തി പരത്തി. ഇന്നലെ വൈകിട്ട് നാലിന് പെരുമറ്റം വി.എസ് ടിംബറിലാണു തീപിടുത്തം ഉണ്ടായത്. തടിമില്ലിന് തൊട്ട് ചേര്‍ന്ന് പെട്രോള്‍ പമ്പ് പ്രവര്‍ത്തിക്കുന്നതു നാട്ടുകാരെ പരിഭ്രാന്തിയിലാക്കി. മില്ലിലെ അറയ്ക്കപ്പൊടിയിലാണ് ആദ്യം തീപടര്‍ന്നത്.
ഇവിടെ ശേഖരിച്ചിരുന്ന മര ഉരുപ്പടികളിലേക്ക് തീ പടര്‍ന്നതോടെ വന്‍പുക ഉയരുകയായിരുന്നു. ഓടികൂടിയ നാട്ടുകാര്‍ പെട്രോള്‍ പമ്പിലെ ഫയര്‍ എക്സ്റ്റിങ്ക്യൂഷന്‍ ഉപയോഗിച്ച് തീ അണക്കാന്‍ ശ്രമിച്ചങ്കിലും കഴിഞ്ഞില്ല. പിന്നീട് ഫയര്‍ഫോഴ്‌സെത്തി തീയണച്ചു.
മുവാറ്റുപുഴയില്‍ നിന്നും രണ്ട് യൂനിറ്റ് ഫയര്‍ഫോഴ്‌സ് സംഘം സ്ഥലത്തെത്തി. കോതമംഗലം-മുവാറ്റുപുഴ റോഡില്‍ .ഒരുമണിക്കൂറോളം ഗതാഗതം തടസപ്പെട്ടു.