നിലമ്പൂര്‍: ഡി.വൈ.എഫ്.ഐ നിലമ്പൂര്‍ മുനിസിപ്പല്‍ കമ്മിറ്റിയുടെ നേതൃത്വത്തില്‍ മഴവില്‍ എന്ന പേരില്‍ വിദ്യാര്‍ഥി യുവജന കൂട്ടായ്മയും നിലമ്പൂര്‍ മേരി മാത നല്‍കുന്ന പഠനോപകരണ വിതരണവും റെയില്‍വെസ്‌റ്റേഷനില്‍ പി.വി അന്‍വര്‍ എം.എല്‍.എ ഉദ്ഘാടനം ചെയ്തു. ചന്ദ്രമോഹന്‍ അധ്യക്ഷനായി. മേരിമാത എജുക്കേഷണല്‍ ട്രസ്റ്റ് മാനേജിങ് ഡയറക്ടര്‍ സിബി വയലില്‍ ആണ് കുട്ടികള്‍ക്കുള്ള പുസ്തകങ്ങള്‍ നല്‍കിയത്. ചടങ്ങില്‍ കെ റഹീം, മാട്ടുമ്മല്‍ സലീം, രഘുനാഥ്, അരുണ്‍ കുമാര്‍, ജംഷീദ്, ഷാജി ചക്കാലക്കുത്ത് സംസാരിച്ചു.